Pawg Neeg ASPIRE yog dab tsi?
ASPIRE Cohort yog ib qho kev kawm tshawb fawb uas yuav soj lw taug qab Neeg Es Xias As Mes Kas li 20,000+ hauv ib lub ncua sij hawm txog kev tshawb fawb kev noj qab haus huv thiab tus kab mob khees xaws.
Lub hom phiaj ntawm txoj kev tshawb fawb no yog tsim kom muaj ib pawg neeg uas yog Neeg Es Xias As Mes Kas thoob plaws Teb Chaws Mes Kas. Kev tshawb fawb pawg neeg yog ib hom kev kawm tshawb fawb uas ua raws li pab pawg neeg nyob rau ib lub ncua sij hawm. Txoj kev tshawb fawb pawg neeg no yuav saib xyuas cov laj thawj txog tus kab mob khees xaws ntawm Cov Neeg Es Xias As Mes Kas los ntawm kev suav sau cov ntaub ntawv los ntawm cov neeg koom nrog (xws li kev soj ntsuam, cov khoom siv kuaj qaub ncaug). Cov ntaub ntawv no yuav pab peb cov zej zog kom nkag siab txog kev tiv thaiv kab mob khees xaws kom zoo dua.
Leej twg thiaj li tuaj yeem koom nrog ASPIRE?
Peb lub hom phiaj xub thawj yog los nrhiav 20,000 Tus Neeg Es Xias As Nes Kas thoob plaws Teb Chaws Mes Kas. Peb cia siab tias yuav nthuav dav kom suav nrog yam tsawg kawg 50,000 Tus Neeg Es Xias As Mes Kas yav tom ntej.
ASPIRE yuav nyob ntev npaum li cas?
ASPIRE yuav soj lw taug qab tib neeg rau ib lub ncua sij hawm, thiab peb cia siab tias koj yuav nyob hauv txoj kev tshawb fawb ntau xyoo. Txawm li cas los xij, koj tuaj yeem tawm ntawm ASPIRE Cohort txhua lub sij hawm yog tias koj xaiv.
ASPIRE yuav siv sij hawm los ua hauj lwm ntev npaum li cas?
Thawj theem ntawm ASPIRE yuav muaj plaub daim ntawv nug nyob rau hauv ib xyoos. Txhua daim ntawv nug yuav siv li ntawm 20–30 feeb los ua kom tiav. Yog hais tias koj raug thov kom muab ib qho hnoos qeev (saliva sample), qhov ntawd yuav siv li 15 feeb ntawm koj lub sij hawm. Tag nrho cov haujlwm hauv txoj kev tshawb fawb no tuaj yeem ua tau tom tsev.
Tom qab thawj theem, koj yuav tau xaiv seb puas xav txuas ntxiv koom nrog ASPIRE. Qhov ntau cov ntaub ntawv uas koj muab rau peb dhau sij hawm, qhov zoo dua peb yuav nkag siab txog kev noj qab haus huv ntawm Cov Neeg Es Xias As Mes Kas.
Kuv qhov kev ceev ntiag tug tau txais kev pov thaiv li cas?
Peb yuav ua peb qhov uas zoo tshaj plaws kom paub tseeb tias cov ntaub ntawv hais txog koj yuav raug khaws cia tsis pub lwm tus paub. Peb yuav siv koj cov ntaub ntawv tsuas yog txhawm rau kev tshawb fawb nkaus xwb. Peb yuav tsis muag koj cov ntaub ntawv mus rau lub koom haum sab nraud.
Tag nrho cov ntaub ntawv tshawb fawb yuav raug siv hauv es lev thos niv thiab ntawm lub cev uas ruaj ntseg. Yog tias cov ntaub ntawv los ntawm txoj kev tshawb fawb no raug muab luam tawm los sis nthuav tawm hauv cov rooj sib tham txog kev tshawb fawb, koj lub npe thiab lwm yam ntaub ntawv ntiag tug yuav tsis raug siv.
Vim li cas kuv thiaj yuav tsum koom nrog ASPIRE?
Nws yog ib qho tseem ceeb rau Cov Neeg Es Xias As Mes Kas los ntawm keeb kwm ntau haiv neeg los koom nrog. Yog tsis li ntawd, txoj kev tshawb fawb no yuav tsis raug nthuav qhia txog ntau haiv neeg ntawm peb lub zej zog. Qhov no txhais tau tias KOJ cov ntaub ntawv tshwj xeeb tseem ceeb heev.
Muaj kev tshawb fawb me ntsig txog kev mob khees xaws hauv Cov Neeg Es Xias As Mes Kas. Cov ntaub ntawv hais txog koj qhov kev paub tshwj xeeb tuaj yeem pab txhim kho kev noj qab haus huv ntawm cov tiam neeg tom ntej.
Vim li cas peb thiaj xav tau kev tshawb fawb txog Cov Neeg Es Xias As Mes Kas thiab tus kab mob khees xaws?
- Cov Neeg Es Xias As Mes Kas yog cov neeg muaj ntau haiv neeg thiab loj hlob tuaj.
- Cov Neeg Es Xias As Mes Kas muaj qhov sib txawv ntawm kev mob khees xaws tshwj xeeb.
- Muaj kev tshawb fawb me ntsig txog kev mob khees xaws hauv Cov Neeg Es Xias As Mes Kas.
Dab tsi yog qhov tshwj xeeb txog tus kab mbo khees xaws hauv Cov Neeg Es Xias As Mes Kas?
- Mob khees xaws yog thawj qhov ua rau neeg tuag rau feem coob ntawm Cov Neeg Es Xias As Mes Kas.
- Cov Neeg Es Xias As Mes Kas muaj feem raug mob khees xaws ntau, khees xaws siab, khees xaws plab, khees xaws thyroid, thiab khees xaws ncauj tsev menyuam siab.
- Cov Neeg Es Xias As Mes Kas tseem muaj kev mus kuaj mob khees xaws tsis tu ncua tsawg.
- Cov poj niam Es Xias As Mes Kas, tshwj xeeb yog cov uas tsis tau haus luam yeeb dua li, muaj feem raug mob khees xaws ntsws siab dua piv rau lwm pab neeg.
- Tus nqi mob khees xaws mis tab tom nce ntxiv rau cov poj niam Es Xias As Mes Kas, tshwj xeeb yog cov yug txawv teb chaws thiab muaj hnub nyoog qis dua 50 xyoos.
Kuv puas tuaj yeem koom nrog hauv kev tshawb fawb yog tias kuv muaj mob khees xaws?
Cov neeg uas twb raug kuaj pom tias muaj mob khees xaws lawm tsis tsim nyog rau npe koom nrog ASPIRE Cohort. Txawm li ntawd los, koj tseem tuaj yeem pab txhawb peb txoj haujlwm rau lwm txoj kev tau.
Thov sau daim foos no qhia rau peb paub yog tias koj txaus siab.
Yuav muaj dab tsi tshwm sim yog tias kuv mob khees xaws thaum nyob hauv txoj kev tshawb fawb?
Yog tias koj tsis muaj mob khees xaws thaum koj sau npe, tab sis tau txais kev kuaj pom tias mob khees xaws thaum nyob hauv txoj kev tshawb fawb, koj tuaj yeem koom nrog txuas ntxiv. Koj cov ntaub ntawv yuav muaj txiaj ntsig zoo hauv kev pab kom nkag siab txog kev mob khees xaws hauv Cov Neeg Es Xias As Mes Kas.
Kuv yuav tsum ua tsi yog tias kuv xav tias kuv yuav mob khees xaws?
Yog tias koj xav tias koj yuav muaj mob khees xaws, thov tiv tauj rau koj tus kws muab kev pab cuam saib xyuas kev noj qab haus huv kom sai li sai tau. Yog tias koj tau txais kev kuaj pom tias mob khees xaws, thov qhia rau peb pawg neeg tshawb fawb paub.
Cov ntaub ntawv dab tsi raug suav sau hauv ASPIRE?
Cov ntawv nug ASPIRE sau ntau hom ntaub ntawv. Cov ntawv nug no muaj cov lus nug txog: kev noj qab haus huv ntawm lub cev, kev coj cwj pwm txog kev noj qab haus huv, kev kho mob, kev kuaj mob khees xaws, kev tsiv teb tsaws chaw, kev txhawb nqa los ntawm zej zog thiab tsev neeg, kev ntxhov siab, kev raug ntxub ntxaug, kev kawm ntawv, nyiaj txiag, thiab haujlwm.
ASPIRE tau txais nyiaj pab li cas?
ASPIRE tau txais nyiaj pab los ntawm Lub Koom Haum Saib Xyuas Tus Kab Mob Khees Xaws Hauv Teb Chaws. Nws yog kev coj los ntawm cov kws tshawb fawb ntawm UCSF, UC Irvine, UC Davis, UCLA, Cedars-Sinai, Lub Tsev Kawm Ntawv Yus Nis Vaws Xis Tim Temple, Lub Tsev Kawm Ntawv Yus Nis Vaws Xis Tim Jefferson, thiab Lub Tsev Kawm Ntawv Yus Nis Vaws Xis Tim Hawaii.
Leej twg yog tus tswj ASPIRE?
ASPIRE yog khiav hauj lwm los ntawm cov kws tshawb fawb los ntawm UCSF, UC Irvine, UC Davis, UCLA, Cedars-Sinai, Lub Tsev Kawm Ntawv Yus Nis Vaws Xis Tim Temple, Lub Tsev Kawm Ntawv Yus Nis Vaws Xis Tim Jefferson, thiab Lub Tsev Kawm Ntawv Yus Nis Vaws Xis Tim Hawaii. Thov mus saib nplooj ntawv Peb Pab Pawg txhawm rau kawm paub ntau ntxiv. Peb pawg neeg muaj kev paub dhau los ntau xyoo los ntawm kev ua hauj lwm nrog pawg Neeg Es Xias As Mes Kas ntau haiv neeg thiab tau cog lus kom nkag siab zoo txog cov laj thawj rau tus kab mob khees xaws hauv cov zej zog.
Kuv tuaj yeem pab tau lwm txoj kev li cas?
Muaj ntau txoj hauv kev uas koj tuaj yeem pab txhawb ASPIRE Cohort. Thov sau daim foos no qhia rau peb paub yog tias koj txaus siab.
Kuv tsis muaj computer, kuv puas tuaj yeem koom nrog txoj kev tshawb fawb no?
Tau kawg- Koj tuaj yeem ua cov ntaub ntawv lus nug siv koj lub xov tooj ntawm tes lossis tablet. Txawm li cas los xij, yog tias koj tsis muaj smartphone, computer, lossis tablet, nug tau rau peb/thov tiv tauj peb kom peb pab koj kom koj koom tau.
Kuv yuav koom nrog txoj kev tshawb fawb no li cas?
Yog xav koom nrog txoj kev tshawb fawb no, thov nias ntawm no: KOOM TAM SIM NO
Koj kuj tuaj yeem xa email rau [email protected] lossis hu rau 833-501-0598.
Yog koj tseem muaj lus nug, thov xa email tuaj rau peb ntawm [email protected] lossis hu rau 833-501-0598.