Our Team

Dr. Scarlett Gomez yog ib tug kws tshawb fawb txog tus kab mob (epidemiologist) uas tshawb nrhiav kom nkag siab txog cov qauv mob khees xaws hauv ntau pab neeg thiab cov laj thawj uas ua rau muaj kev tsis sib luag hauv kev noj qab haus huv. Nws mob siab rau kev tshawb fawb txog mob khees xaws hauv Cov Neeg Es Xias As Mes Kas thiab tau siv nws txoj haujlwm los kawm txog yam ua rau muaj mob khees xaws hauv ntau haiv neeg.

"Kev ua haujlwm ua ib tug thawj coj ntawm ASPIRE cohort nrog pab neeg no muaj txiaj ntsig heev rau kuv, vim yog kuv tus kheej yog thawj tiam neeg tsiv teb tsaws chaw tuaj ntawm Taiwan thiab tau pom tias mob khees xaws tau cuam tshuam kuv tsev neeg thiab peb zej zog li cas. Tau ntev dhau lawm, Cov Neeg Es Xias As Mes Kas tsis tau txais kev tshawb fawb txaus txog tus kab mob khees xaws. Kuv vam tias ASPIRE yuav yog ib qho chaw tseem ceeb uas yuav pab peb nkag siab zoo dua txog yam ua uas rau mob khees xaws hauv peb cov zej zog Es Xias As Mes Kas uas muaj ntau haiv neeg, thiab yuav txuas ntxiv muab kev paub no rau ntau xyoo rov tom ntej."

Dr. Iona Cheng tshawb nrhiav txog qhov sib txawv ntawm kev pheej hmoo thiab kev ciaj sia ntawm mob khees xaws raws haiv neeg thiab pab neeg, nrog rau kev tsom saib mus rau zej zog, ib puag ncig, kev ua neej, thiab yam ntxwv ntawm lub cev. Ib feem ntawm nws txoj haujlwm yog tshawb nrhiav txog kev pheej hmoo mob khees xaws ntsws ntawm cov poj niam Es Xias As Mes Kas uas tsis tau haus luam yeeb. Nws muaj kev txawj ntse dav rau hauv txoj kev ua cov kev tshawb fawb ntev lawm nrog rau ntau haiv neeg.

Dr. Salma Shariff-Marco yog ib tug kws tshawb fawb txog kev sib raug zoo thiab tib neeg tus cwj pwm uas nws txoj haujlwm tshawb fawb tsom saib rau kev nkag siab txog lub luag haujlwm ntawm yam ntxwv hauv kev sib raug zoo uas cuam tshuam rau kev noj qab haus huv hauv kev tsim thiab ua kom kev tsis sib luag hauv kev noj qab haus huv tseem muaj txuas ntxiv. Ib qho tseem ceeb ntawm nws txoj haujlwm yog kawm txog kev cuam tshuam ntawm thaj chaw nyob thiab kev noj qab haus huv, los tshuaj xyuas seb cov yam ntxwv ntawm zej zog (xws li kev sib raug zoo, ib puag ncig tsim los ntawm tib neeg, thiab ib puag ncig ntuj) thiab qhov sib txawv ntawm thaj chaw muaj feem cuam tshuam li cas rau kev coj cwj pwm ntsig txog mob khees xaws thiab cov txiaj ntsig kev noj qab haus huv thoob plaws txhua theem ntawm mob khees xaws.

Ntxiv rau ntawd, nws txoj haujlwm tshawb fawb kuj suav nrog kev tsim txoj hauv kev los piav qhia cov yam ntxwv ntawm zej zog kom meej dua rau kev tshawb fawb txog kev noj qab haus huv ntawm pej xeem (xws li kev faib hom zej zog thiab kev tshuaj xyuas siv Google Street View). Lwm qhov tseem ceeb ntawm nws txoj haujlwm yog kawm txog seb yam uas cuam tshuam rau tib neeg txoj kev sawv cev hauv zej zog (xws li haiv neeg, kev khwv nyiaj txiag, thiab kev tsiv teb tsaws chaw) cuam tshuam li cas rau kev tsis sib luag hauv kev noj qab haus huv, tshwj xeeb yog los ntawm kev siv txoj kev tshuaj xyuas uas saib ntau yam cuam tshuam ua ke (intersectional lens). Dr. Shariff-Marco kuj yog ib tug kws tshawb fawb koom tes ntawm Greater Bay Area Cancer Registry, uas yog ib feem ntawm California Cancer Registry thiab NCI Surveillance, Epidemiology, and End Results (SEER) Program.

Laura Allen muaj ntau tshaj 20 xyoo ntawm kev tswj hwm cov kev tshawb fawb loj uas siv ntau hom lus. Nws saib xyuas ntau yam haujlwm xws li kev tswj hwm, kev ua raws li txoj cai, kev tsim qauv tshawb fawb, kev tsim cov vev xaib rau kev tshawb fawb, kev nrhiav neeg koom, kev cob qhia, kev tsim ntawv nug, kev tso cai hauv online, thiab kev tswj ntaub ntawv.

Dr. Debby Oh yog ib tug kws tshawb fawb txog ntaub ntawv (data scientist) ntawm UCSF uas muaj kev kawm txog kev kis kab mob thiab kev tsim duab qhia ntaub ntawv. Nws tshuaj xyuas thiab tsim cov duab qhia siv cov ntaub ntawv los ntawm cancer registry, ntaub ntawv kho mob hluav taws xob, ntaub ntawv suav pej xeem, thiab lwm yam ntaub ntawv rau pej xeem. Nws tau coj kev tsim ntau lub vev xaib uas qhia ntaub ntawv sib tham tau.

Dr. Alice Guan yog ib tug kws tshawb fawb txog kev sib raug zoo thiab kev kis kab mob. Nws kawm txog yam cuam tshuam ntawm kev sib raug zoo thiab nyiaj txiag uas muaj feem rau kev noj qab haus huv. Nws tshwj xeeb xav paub tias txoj cai thiab kev cai lij choj cuam tshuam li cas rau tib neeg txoj kev noj qab haus huv thiab yuav siv tau li cas los txo kev tsis sib luag.

"ASPIRE tseem ceeb rau kuv vim nws yog ib lub sijhawm tshwj xeeb hauv keeb kwm los nkag siab txog cov kev xav tau ntawm ntau pab neeg Es Xias As Mes Kas, thiab pab tsim kev daws teeb meem kev noj qab haus huv kom muaj kev ncaj ncees thiab suav txhua tus."

Dr. Mimi Ton yog ib tug neeg Nyab Laj As Mes Kas tiam ob thiab yog ib tug kws tshawb fawb txog kev kis kab mob (epidemiologist) ntawm UCSF uas ua kev tshawb fawb txog mob khees xaws. Nws tau txais daim ntawv kawm tiav qib PhD hauv Epidemiology los ntawm University of Washington thiab daim ntawv kawm tiav qib MPH hauv Chronic Disease Epidemiology los ntawm Yale University. Yam uas txhawb thiab tshoov siab rau nws los ua txoj kev tshawb fawb no thiab koom nrog ASPIRE yog nws txoj kev cia siab los pab txhawb thiab txhim kho kev noj qab haus huv hauv cov zej zog Cov Neeg Es Xias As Mes Kas. Pawg neeg tshawb fawb no yuav pab kom peb nkag siab zoo dua txog cov kev pheej hmoo, kev ua neej, thiab yam ntxwv hauv kev sib raug zoo uas tseem cuam tshuam rau peb cov zej zog, tshwj xeeb yog cov zej zog uas zoo ib yam li nws niam nws txiv.

Dr. Mindy Hebert-DeRouen yog ib tug kws tshawb fawb hauv Department of Epidemiology and Biostatistics ntawm UCSF, yog Tus Lwm Thawj Coj saib xyuas Data Infrastructure rau Population Health Data Initiative, thiab yog ib tug kws tshawb fawb koom tes ntawm Greater Bay Area Cancer Registry. Nws txoj haujlwm kev kawm thiab kev tshawb fawb tab tom ua tsom rau kev daws teeb meem kev tsis sib luag hauv mob khees xaws thiab lwm yam txiaj ntsig kev noj qab haus huv uas tshwm sim los ntawm ntau yam cuam tshuam sib txawv, tshwj xeeb yog cov qauv thiab yam ntxwv hauv kev sib raug zoo uas cuam tshuam rau kev noj qab haus huv. Nws muaj kev txawj ntse hauv kev sib sau thiab ua kom cov ntaub ntawv nyuaj uas los ntawm ntau qhov chaw sib txawv sib haum ua ke, suav nrog cov ntaub ntawv hais txog ib puag ncig thiab cov ntaub ntawv los ntawm cov ntaub ntawv kho mob hluav taws xob (electronic health records), thiab tsim txoj kev tshuaj xyuas uas siv cov ntaub ntawv ntau theem no los kawm txog kev tsis sib luag hauv kev noj qab haus huv. Nws ua cov kev tshawb fawb uas siv ntau txoj kev tshawb fawb sib xyaw thiab koom tes nrog zej zog, uas pab tsim thiab ntxiv dag zog rau lub hauv paus ntawm zej zog cov kev siv zog los txhawb kev noj qab haus huv ntawm cov neeg nyob hauv zej zog.

Esperanza tau txais nws daim ntawv kawm tiav qib Master's hauv Cell and Molecular Biology los ntawm San Francisco State University. Nws tau los koom nrog UCSF xyoo 2018, thiab txij thaum ntawd los nws tau pab txhawb ntau txoj haujlwm tshawb fawb uas tsom rau kev daws teeb meem kev tsis sib luag hauv kev noj qab haus huv hais txog kev yug menyuam ntxov dhau sijhawm, kev noj qab haus huv ntawm poj niam txoj kev muaj me nyuam, thiab mob khees xaws. Nws zoo siab heev uas tau los ua ib feem ntawm txoj kev tshawb fawb ASPIRE, vim qhov no yog thawj pawg neeg tshawb fawb (cohort) ntawm hom no uas sawv cev rau txhua pab neeg Es Xias thoob plaws tebchaws Meskas, thiab nws yuav pab kom peb nkag siab zoo dua txog yam ua rau muaj mob khees xaws hauv Cov Neeg Es Xias As Mes Kas.

Michelle yav dhau los ua haujlwm ua ib tug kws saib xyuas neeg mob ICU ntawm ib lub tsev kho mob uas muab kev kho mob rau ntau pab neeg Es Xias thiab Cov Neeg Es Xias As Mes Kas hauv zej zog. Thaum nws ua haujlwm nyob ntawd, nws tau pom ntawm nws tus kheej txog cov teeb meem kev noj qab haus huv uas tshwm sim ntau hauv cov pab neeg no, tshwj xeeb tshaj yog thaum lub sijhawm uas tseem muaj kev tshawb fawb txog kev noj qab haus huv tsawg heev rau Cov Neeg Es Xias uas nyob hauv Tebchaws Meskas.

"Kuv xav tias nws yog ib qho koob hmoov loj uas tau ua haujlwm nrog ib pab neeg mob siab rau kev nkag siab txog kev tsis sib luag hauv kev noj qab haus huv. Kuv zoo siab heev uas tau los ua ib feem ntawm pab neeg tshawb fawb ASPIRE Cohort, ua txoj kev tshawb fawb uas xav tau heev thiab uas yuav pab tsim kev hloov pauv hauv kev saib xyuas kev noj qab haus huv rau Cov Neeg Es Xias As Mes Kas thiab lwm pab neeg ntxiv."

Zinnia Loya muaj 20 xyoo ntawm kev paub ua haujlwm hauv cov kev tshawb fawb loj txog kev kis kab mob uas muaj kev tiv tauj nrog cov neeg mob thiab siv ntau hom lus. Nws saib xyuas thiab sib koom tes hauv ntau yam haujlwm ntawm cov kev tshawb fawb, suav nrog kev tswj hwm, kev sau ntaub ntawv, kev tswj ntaub ntawv, thiab kev nthuav qhia rau zej zog. Nws tau ua lub luag haujlwm tseem ceeb hauv kev nrhiav neeg los koom nrog kev tshawb fawb thiab tsim kev sib raug zoo nrog cov zej zog los txhawb kev koom tes.

Kathie muaj ze li 20 xyoo ntawm kev paub ua haujlwm hauv cov kev tshawb fawb txog kev kis kab mob uas muaj kev tiv tauj nrog cov neeg mob thiab siv ntau hom lus. Nrog nws txoj kev txawj ntse hauv kev siv tshuab, nws saib xyuas ntau yam ntawm cov haujlwm tshawb fawb, suav nrog kev tsim thiab kev sau cov ntawv nug, kev siv tshuab los pab xa ntawv caw ua ntau hom lus rau cov kev tshawb fawb loj, kev taug qab kev nce qib ntawm cov haujlwm, kev sau ntaub ntawv, thiab kev tswj ntaub ntawv. Nws kuj koom tes nrog kev nrhiav neeg los koom nrog kev tshawb fawb thiab kev nthuav qhia rau zej zog.

Dr. Peggy Reynolds yog ib tug kws tshawb fawb txog kev kis kab mob (epidemiologist) uas nws txoj haujlwm tshawb fawb tsom rau cov yam ntxwv hauv ib puag ncig uas yuav ua rau muaj kev pheej hmoo mob khees xaws. Nws txoj haujlwm tshawb fawb tau siv cov cuab yeej Geographic Information System (GIS) thiab kev kawm txog biomarkers ntawm kev raug cuam tshuam thiab cov kev hloov hauv lub cev los txheeb xyuas kev sib raug zoo ntawm cov kev pheej hmoo rau menyuam yaus thiab cov neeg laus.Tam sim no nws yog ib tug kws tshawb fawb koom tes ntawm UCSF's Environmental Research and Translation for Health (EaRTH) Center, thiab yog ib tug MPI (Multiple Principal Investigator) rau txoj kev tshawb fawb yav tom ntej txog kev pheej hmoo mob khees xaws hu ua "Discovering Cancer Risks from Environmental Contaminants And Maternal/Child Health" (DREAM) cohort. Nws kuj muaj keeb kwm ntev ntawm kev koom tes nrog zej zog hauv kev tshawb fawb los tshuaj xyuas ntau yam uas pej xeem txhawj xeeb txog mob khees xaws thiab lwm yam kab mob uas cuam tshuam rau poj niam.

Dr. Van Ta Park tau txais kev cob qhia hauv ethnogeriatrics, kev noj qab haus huv rau pej xeem, txoj cai tswj kev noj qab haus huv, thiab kev kawm txog tib neeg hauv zej zog (sociology). Dr. Park muaj kev paub dav hauv kev ua kev tshawb fawb uas koom tes nrog zej zog ntawm Cov Neeg Es Xias As Mes Kas, nrog rau kev siv txoj kev tshawb fawb zoo (qualitative) thiab kev tshawb fawb siv lej (quantitative), kev tsim cov kev pab cuam los txhim kho kev noj qab haus huv, kev coj cov kev tshawb fawb mus siv, thiab kev ntsuam xyuas cov kev pab cuam. Nws qhov kev tshawb fawb tseem ceeb yog los daws cov teeb meem ntsig txog kev noj qab haus huv thiab kev tsis sib luag hauv kev tau txais kev saib xyuas kev noj qab haus huv ntawm cov haiv neeg tsawg, tshwj xeeb yog Cov Neeg Es Xias As Mes Kas, Cov Neeg Qhab Hawaii (Native Hawaiian), thiab Cov Neeg Pacific Islander (AANHPI). Nws cov haujlwm tshawb fawb tseem suav nrog kev tshawb fawb txog kev nrhiav neeg los koom nrog kev tshawb fawb, kev noj qab haus huv ntawm lub hlwb, thiab kev saib xyuas cov neeg muaj tus kab mob Alzheimer's thiab lwm yam kab mob uas ua rau muaj kev nco tsis zoo (Alzheimer's disease and related dementias, ADRD).

Dr. Jane Jih yog ib tug kws kho mob sab hauv (general internist) thiab kws tshawb fawb uas yog neeg Taiwanese As Mes Kas tiam ob thiab hais tau ob hom lus (Askiv thiab Mandarin). Nws txoj haujlwm tsom rau kev txo kev tsis sib luag hauv kev noj qab haus huv thiab txhawb kev ncaj ncees hauv kev noj qab haus huv los ntawm kev tsim thiab siv cov kev pab cuam uas tsom rau cov neeg mob, rau cov neeg laus uas muaj ntau haiv neeg thiab hais ntau hom lus, tshwj xeeb yog Cov Neeg Es Xias As Mes Kas. Nws tau mob siab rau kev tshawb nrhiav thiab daws cov teeb meem kev tsis sib luag hauv kev noj qab haus huv hauv Cov Neeg Es Xias As Mes Kas tau ntev los lawm.

"Kev ua ib feem ntawm ASPIRE yog kev txuas ntxiv ntawm kev ua kom kev noj qab haus huv ntawm Cov Neeg Es Xias As Mes Kas pom tseeb dua, kom peb thiaj li sau tau cov ntaub ntawv uas tsim nyog los pab tiv thaiv kab mob thiab txhim kho cov txiaj ntsig kev noj qab haus huv hauv Cov Neeg Es Xias As Mes Kas."

Dr. June Chan yog ib tug kws tshawb fawb txog kev kis kab mob khees xaws (cancer epidemiologist) uas tsom rau kev kawm txog txoj hauv kev los txo kev loj hlob ntawm mob khees xaws thiab kev tuag los ntawm mob khees xaws. Ib qho tseem ceeb ntawm nws txoj haujlwm tau ntev los lawm yog kev tshawb nrhiav seb kev coj cwj pwm txog kev noj qab haus huv (xws li kev noj zaub mov thiab kev tawm dag zog) cuam tshuam li cas rau cov txiaj ntsig ntawm cov neeg uas tseem ciaj sia tom qab mob khees xaws prostate. Nws niam thiab txiv yog neeg Suav los ntawm Malaysia; nws yug thiab loj hlob hauv California; nws txoj kev kawm thiab haujlwm tau coj nws mus rau Boston, Sweden, Finland, thiab tom qab ntawd rov qab los rau California.

"Kuv xav tias ASPIRE yuav yog ib txoj kev tshawb fawb tseem ceeb uas yuav pab qhia kom pom tseeb txog ntau haiv kab lis kev cai Es Xias hauv Tebchaws Meskas, thiab yuav pab kom peb nrhiav tau txoj hauv kev los txhim kho kev coj cwj pwm txog kev noj qab haus huv, kev nkag cuag kev saib xyuas kev noj qab haus huv, thiab kev noj qab haus huv tag nrho rau cov pab neeg uas yav dhau los tsis tau muaj kev sawv cev txaus hauv kev tshawb fawb."

Dr. Elissa Epel yog ib tug Xibfwb (Professor) thiab Tus Lwm Thawj Coj (Vice Chair) hauv Department of Psychiatry and Behavioral Sciences ntawm University of California, San Francisco. Nws txoj haujlwm tshawb fawb tsom rau kev nkag siab txog cov txheej txheem uas pab kom tib neeg muaj kev laus nyob zoo thiab noj qab nyob zoo, thiab siv cov kev paub txog kev tshawb fawb no los tsim cov kev pab cuam uas tuaj yeem siv tau dav thiab ncav cuag cov pab neeg uas muaj kev pheej hmoo lossis tsis muaj kev pab txaus. Nws yog Tus Thawj Coj ntawm Aging, Metabolism, and Emotions Center, thiab yog Tus Lwm Thawj Coj ntawm Center for Health and Community. Nws kuj yog Tus Thawj Coj ntawm Mental Health Council for Climate Change, uas yog ib feem ntawm UC-wide Climate Change, Health and Equity Center.

Mei-Chin yog ib tug Study Coordinator uas muaj keeb kwm kev kawm hauv kev saib xyuas neeg mob (nursing) thiab muaj ntau tshaj 20 xyoo ntawm kev paub hauv kev tshawb fawb txog kev kis kab mob uas siv ntau hom lus. Nws pab txhawb ntau txoj kev tshawb fawb, nrog rau kev tsom rau kev tsim thiab kev sau cov ntawv nug, kev sau ntaub ntawv, thiab kev tswj ntaub ntawv.

Lauren Nguyen tam sim no yog ib tug Community Outreach Coordinator ntawm DREAM Lab thiab yog ib tug Clinical Research Coordinator hauv Hematopoietic Malignancies ntawm UCSF. Nws tau txais daim ntawv kawm tiav qib Bachelor of Science (BS) hauv Chemical Biosciences los ntawm University of Oklahoma. Nws mob siab rau kev pab txuas cov neeg mob lymphoma kom tau txais cov kev kho mob tshiab tshaj plaws, txhawb kev ua haujlwm rau Cov Neeg Es Xias As Mes Kas, thiab txhim kho kev koom tes hauv zej zog.